Joom!Fish config error: Default language is inactive!
 
Please check configuration, try to use first active language

ກອງປະຊຸມຄັດເລືອກຄະນະໜ່ວຍສະຫະພັນແມ່ຍິງ ສຂຊສ
ກອງປະຊຸມຄັດເລືອກຄະນະໜ່ວຍສະຫະພັນແມ່ຍິງ ສຂຊສ PDF Print E-mail
Written by ທ. ສິນ ພູມມະວົງ   
Wednesday, 26 July 2017 12:14

 

ໃນ​ຕອນ​ບ່າຍ​ວັນ​ທີ 14 ກໍລະກົດ 2017 ທີ່ຜ່າມາ ສູນ​ຂໍ້​ມູນ-ຂ່າວສານ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ໄດ້​ຈັດ​ກອງ​ປະຊຸມຄັດເລືອກຄະນະໜ່ວຍສະຫະພັນແມ່ຍິງ ​ໂດຍ​ການ​ເປັນປະທານຮ່ວມຂອງ​ ສະຫາຍ  ອິດທິພົນ ຈັນທະມາລິນ ​ກຳມະການ ໜ່ວຍ​ພັກ ສຂຊສ, ສະຫາຍ ແສງເພັດ ປ່ຽງປັນຍາ  ຮອງເລຂາໜ່ວຍ ຊປປລ ສຂຊສ ແລະ ສະຫາຍ ແກ້ວປະດິດ ສົມບັດ ຮອງ ຫົວໜ້າໜ່ວຍສະຫະພັນກຳມະບານ ພ້ອມ​ສະມາຊິກແມ່ຍິງສູນຂໍ້ມູນ-ຂ່າວສານຊັບພະຍາກອນທຳມະຊາດ ແລະ ສິ່ງແວດ ລ້ອມ​ 15 ສະຫາຍ.

 

 

ຈຳນວນສະມາຊິກແມ່ຍິງ​ເຂົ້າ​ຮ່ວມ​ທັງ​ໝົດ 11 ສະຫາຍຈຸດປະສົງຂອງ​ກອງ​ປະຊຸມຄັ້ງນີ້ ​ເພື່ອຄັດເລືອກຄະນະໜ່ວຍແມ່ຍິງ ສຂຊສ, ສະຫາຍ ນາງ ໄພວັນ ສີສະອາດ ຫົວໜ້າສະຫະພັນແມ່ຍິງສູນ​ຂໍ້​ມູນ-ຂ່າວສານ ຊັບພະຍາກອນທຳມະຊາດ ແລະ ສິ່ງແວດລ້ອມ, ໄດ້ ຂຶ້ນກ່າວເປີດກອງປະຊຸມຢ່າງເປັນທາງການ ​ ພ້ອມຜ່ານເອກະສານຂໍ້ຕົກລົງວ່າດ້ວຍ: ການອະນຸມັດໃຫ້ເປິດກອງປະຊຸມຄັດເລືອກ ຄະນະໜ່ວຍສະຫະພັນແມ່ຍິງ ສູນຂໍ້ມູນ-ຂ່າວສານ ຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ຜ່ານບົດສະຫຼຸບລາຍງານ ວຽກງານການເຄື່ອນໄຫວຂອງໜ່ວຍສະຫະພັນແມ່ຍິງ ແລະ ວຽກງານຂໍ້ແຂ່ງຂັນສາມດີຂອງໜ່ວຍສະຫະພັນແມ່ຍິງສູນຂໍ້ມູນ-ຂ່າວ ສານຊັບພະຍາກອນທໍາມະຊາດ ແລະ ສິ່ງແວດລ້ອມ, ໃນການເລືອກຕັ້ງຄັ້ງນີ້ມີຜູ້ລົງເລືອກຕັ້ງຈໍານວນ 03 ທ່ານ ຄື: ນາງ ສີສົມ ພອນ ພູເຮືອງຫົງ, ນາງ ສຸພາພອນ ແສງກັນນາລີ,  ນາງ ສອນລິດາ ແກ້ວລໍຄໍາ  ຜ່ານການປ່ອນບັດຂອງສະມາຊິກແມ່ຍິງ ສຂຊສ ເຫັນວ່າ ນາງ ສີສົມພອນ ພູເຮືອງຫົງ ໄດ້ຄະແນນສູງຈຶ່ງໄດ້ຖືກຄັດເລືອກໃຫ້ເປັນຄະນະໜ່ວຍເຊິ່ງປະກອບມີດັ່ງນີ້.

  1. ສະຫາຍ ນາງ ໄພວັນ ສີສະອາດ      ເປັນຫົວໜ້າໜ່ວຍສະຫະພັນແມ່ຍິງ ສຂຊສ
  2. ສະຫາຍ ນາງ ຈັນທະຈອນ ຄຽມສົມບັດ      ເປັນຮອງໜ່ວຍ, ປະທານກວດກາ
  3. ສະຫາຍ ນາງ ສີສົມພອນ ພູເຮືອງຫົງ          ເປັນຄະນະ.

ຈາກນັ້ນສະຫາຍ ອິດທິພົນ ຈັນທະມາລິນ ກຳມະການໜ່ວຍ​ພັກ ສູນຂໍ້ມູນ-ຂ່າວສານ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​​ໄດ້​ກ່າວ​ຊົມ​ເຊີຍ​ຕໍ່​ຜົນສຳ​ເລັດ​ອັນ​ຈົບງາມ​ຂອງ​ການຄັດເລືອກ ຄະນະໜ່ວຍສະຫະພັນແມ່ຍິງ ສຂຊສ ແລະ ໃຫ້ພ້ອມກັນຈັດ ຕັ້ງປະຕິບັດວຽກງານ ສະຫະພັນແມ່ຍິງເພື່ອໃຫ້ກາຍ ເປັນ ໜ່ວຍສະຫະພັນແມ່ຍິງທີ່ເຂັ້ມແຂງ ເອົາໃຈໃສໃນການສ້າງ ຂະບວນການ ສາມດີ ໃຫ້ເພີ່ມຂຶ້ນ, ຈາກນັ້ນ ສະຫາຍ ນາງ ໄພວັນ ສີສະອາດ ຫົວໜ້າ​ໜ່ວຍ​ສະຫະພັນແມ່ຍິງ​ ສຂຊສ ໄດ້ກ່າວຮັບ ເອົາຄຳໂອວາດ ຂອງຂະນະໜ່ວຍພັກ ພ້ອມກ່າວ ຄຳຂອບໃຈ ແລະ ກ່າວປິກກອງປະຊຸມໃນເວລາ 16.00 ໂມງ ຂອງວັນດຽວກັນ.