Joom!Fish config error: Default language is inactive!
 
Please check configuration, try to use first active language

ກອງປະຊຸມໃຫຍ່ຄັ້ງທີ I ຂອງ ໜ່ວຍພັກ ສູນຂໍ້ມູນ-ຂ່າວສານ ຊັບພະຍາກອນທຳມະຊາດ ແລະ ສິ່ງແວດລ້ອມ
ກອງປະຊຸມໃຫຍ່ຄັ້ງທີ I ຂອງ ໜ່ວຍພັກ ສູນຂໍ້ມູນ-ຂ່າວສານ ຊັບພະຍາກອນທຳມະຊາດ ແລະ ສິ່ງແວດລ້ອມ PDF Print E-mail
Monday, 28 November 2016 09:54

ວັນທີ 10 ພະຈິກ 2016  ນີ້ ສູນຂໍ້ມູນ-ຂ່າວສານ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ດຳເນີນກອງປະຊຸມໃຫຍ່ຄັ້ງທີ I ຂອງຄະນະໜ່ວຍພັກ ສຂຊສ ຢູ່ທີ່ຫ້ອງປະຊຸມ ກົມອຸຕຸນິຍົມ ແລະ ອຸທົກກະສາດ ໂດຍການເປັນປະທານຂອງສະຫາຍ ບຸນຕຽງ ຊະນະຊົນ ແລ ໃຫ້ກຽດເຂົ້າຮ່ວມ ເປັນປະທານຂອງສະຫາຍ ບຸນມີ ພຸດທະວົງ ຮອງເລຂາຄະນະພັກ  ກະຊວງ ຊັບພະຍາກອນທຳມະຊາດ ແລະ ສິ່ງແວດ ລ້ອມ  ເຊິ່ງມີບັນດາສະມາຊິກພັກສົມບູນ, ສໍາຮອງ, ຕາງໜ້າ 3 ອົງການຈັດຕັ້ງມະຫາຊົນເຂົ້າຮ່ວມ ແລະ ແຂກຖືກເຊີນຕາງໜ້າຈາກ ຫ້ອງການ, ກົມ, ກອງ, ສະຖາບັນ ແລະ ອ້າຍນ້ອງພະນັກງານພາຍໃນສູນເຂົ້າຮ່ວມ.

 

ສະຫາຍ ບຸນຕຽງ ຊະນະຊົນ ເລຂາໜ່ວຍພັກ ສູນຂໍ້ມູນ-ຂ່າວສານ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ສະເໜີຮ່າງບົດ ລາຍງານການເມືອງຕາງໜ້າ 3 ອົງການຈັດຕັ້ງມະຫາຊົນ ຕາງໜ້າວິຊາການຂຶ້ນປະກອບຄຳຄິດຄຳເຫັນ ໃສ່ຮ່າງບົດລາຍງານ ການເມືອງ ເພື່ອໃຫ້ມີເນື້ອໃນຄົບຖ້ວນສົມບູນ ຫຼັງຈາກນັ້ນ ສະຫາຍ ບຸນຕຽງ ຊະນະຊົນ ເລຂາໜ່ວຍພັກ ສຂຊສ ໄດ້ຜ່ານບົດສຳຫຼວດການ ນຳພາລວມໃນໄລຍະຜ່ານມາ ແລະ ອຳລາ ໜ້າທີ່ ເລຂາໜ່ວຍພັກ ສຂຊສ ຜູ້ເກົ່າ ຈາກນັ້ນ ສະຫາຍ ໄຊຍະເວດ ວິໄຊ ເລຂາໜ່ວຍພັກ ກົມຈັດຕັ້ງ-ພະນັກງານ ຄະນະຊີ້ນໍາກະກຽມ ການດໍາເນີນກອງປະຊຸມໃຫຍ່ ຂອງບັນດາໜ່ວຍພັກໄດ້ຂຶ້ນຜ່ານມາດຖານ ຂອງບຸກຄະລະກອນ ທີ່ຈະເລືອກເຟັ້ນເຂົ້າໃນສະໝັກເລືອກຕັ້ງເຂົ້າເປັນຄະນະພັກ ສຂຊສ ຊຸດໃໝ່.

ໃນຕອນທ້າຍຂອງກອງປະຊຸມສະຫາຍ ບຸນມີ ພຸດທະວົງ ຮອງເລຂາຄະນະພັກ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຂຶ້ນມີຄຳເຫັນ ແລະ ໃຫ້ຄຳໂອວາດຕັກເຕືອນ ຕໍ່ຄະນະໜ່ວຍພັກຊຸດໃໝ່ທັງ 3 ສະຫາຍ, ຫຼັງຈາກນັ້ນ ຄະນະໜ່ວຍພັກຊຸດໃໝ່ທັງ 3 ສະຫາຍໄດ້ຂຶ້ນຮັບຄຳໂອວາດ ຈາກສະຫາຍຮອງເລຂາຄະນະພັກ ກຊສ ແລະ ສະມາຊິກພັກທຸກສະຫາຍທີ່ໃຫ້ຄວາມໄວ້ເນື້ອເຊື່ອໃຈ ຊຶ່ງຍາມ ໃດກໍ່ເປັນຫ່ວງເປັນໄຍໃນການກໍ່ສ້າງມະຫາຊົນຜູ້ທີ່ມີຄວາມກ້າວໜ້າ, ຜູ້ທີ່ເຊື່ອໝັ້ນໃນອຸດົມການຂອງພັກ ພ້ອມເຂົ້າເປັນສະມາຊິກພັກ ເພື່ອເປັນກຳລັງແຮງໃນການປະກອບສ່ວນວຽກ ງານອັນສຳຄັນທີ່ພັກ-ລັດມອບໝາຍໃຫ້ໆສຳເລັດຜົນເປັນຈິງ.

Last Updated on Monday, 28 November 2016 10:07