English (United Kingdom)Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້58
mod_vvisit_counterມື້ວານ47
mod_vvisit_counterອາທິດນີ້105
mod_vvisit_counterອາທິດແລ້ວນີ້322
mod_vvisit_counterເດືອນນີ້1196
mod_vvisit_counterເດືອນແລ້ວນີ້2017
mod_vvisit_counterລວມທັງຫມົດ110131

Online (20 minutes ago): 3
Your IP: 54.198.108.19
,
Today: ພ. ຈ. 20, 2017

Who's Online

ເຮົາມີ 36 ບຸກຄົນທົ່ວໄປ ອອນໄລນ
ກອງປະຊຸມ ເປີດບັນດຳເນີນຊີວິດການເມືອງຂອງໜ່ວຍພັກ ສຂຊສ. PDF ພິມ ອີເມລ
ຂຽນໂດຍ ສຸກວິໄຊ ພຸດທະວົງ   
ມື້ພຸດທີ່ 02 ພະຈິກ 2016 ເວລາ 13: 07

ໃນຕອນເຊົ້າຂອງວັນທີ 11-12 ຕຸລາ 2016  ຜ່ານມານີ້ ໜ່ວຍພັກ ສູນຂໍ້ມູນ-ຂ່າວສານ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ເປີດບັ້ນດຳເນີນຊີວິດການເມືອງ ແລະ ທາບທາມບຸກຄະລາກອນ ສະໝັກເລືອກຕັ້ງເຂົ້າເປັນຄະນະ ໜ່ວຍພັກ ສຂຊສ ຊຸດໃໝ່ ຢ່າງເປັນທາງການ  ຢູ່ທີ່ຫ້ອງປະຊຸມຊັ້ນ 4 ຂອງ ສຂຊສ. ໃຫ້ກຽດເຂົ້າຮ່ວມພາຍໃຕ້ການເປັນປະ ທານ ແລະ ການຊີ້ນຳ ຂອງສະຫາຍ ບຸນມີ ພຸດທະວົງ ຮອງເລຂາຄະນະພັກ  ກະຊວງ ຊັບພະຍາກອນທຳມະຊາດ ແລະ ສິ່ງ ແວດລ້ອມ  ເຊິ່ງມີບັນດາສະມາຊິກພັກສົມບູນ, ສໍາຮອງ ແລະ ພະນັກງານລັດຖະກອນພາຍໃນ ສຂຊສ, ຄະນະຮັບຜິດຊອບ ແລະ ດຳເນີນຊີວິດການເມືອງ ຈາກກົມຈັດຕັ້ງ-ພະນັກງານ ແລະ ກົມກວດກາເຂົ້າຮ່ວມລວມທັງໝົດ 45 ສະຫາຍ; ຍິງ 10 ສະຫາຍ ຈາກນັ້ນ ສະຫາຍ ບຸນມີ ພຸດທະວົງ ຮອງເລຂາຄະນະພັກ ກຊສ ໄດ້ເຜີຍແຜ່ເອກະສານຈຳນວນ 3 ສະບັບ ຄື: j ຝຶກຝົນຄຸນທາດການເມືອງ ແລະ ຄຸນສົມບັດສິນທໍາປະຕິວັດ, k ແບບແຜນວິທີເຮັດວຽກ ແລະ ຍົກສູງຄວາມສາມາດການນໍາ ພາຂອງຄະນະພັກຂັ້ນຕ່າງໆ ແລະ ມາດຖານຄະນະໜ່ວຍພັກ, lມາດຖານສະມາຊິກພັກ, ຂໍ້ຫ້າມສະມາຊິກພັກແລະຄວາມ ຮັບຜິດຊອບ ຂອງພະນັກງານລັດຖະກອນ.

 

ພາຍຫຼັງເຊື່ອມຊືມ 3 ເອກະສານແລ້ວ ສະຫາຍ ໄຊຍະເວດ ວິໄຊ ເລຂາໜ່ວຍພັກກົມຈັດຕັ້ງ-ພະນັກງານ ຄະນະຊີ້ນໍາ ກະກຽມ ການດໍາເນີນກອງປະຊຸມໃຫຍ່ ຂອງບັນດາໜ່ວຍພັກໄດ້ຂຶ້ນຜ່ານມາດຖານ ຂອງບຸກຄະລະກອນ ທີ່ຈະເລືອກ ເຟັ້ນເຂົ້າໃນການທາບທາມ ສະໝັກເລືອກຕັ້ງເຂົ້າເປັນຄະນະພັກ ສຂຊສ ຊຸດໃໝ່ ຊຶ່ງປະກອບມີ 5 ມາດຖານ ເຊັ່ນ: ຕ້ອງມີ ມາດຖານຄຸນທາດການເມືອງໜັກແໜ້ນ, ມີມາດຖານຄຸນສົມບັດສິນທໍາປະຕິວັດ, ມີມາດຖານຄວາມຮູ້ຄວາມສາມາດ, ມີມາດ ຖານແບບແຜນການນໍາພາ, ມີສຸຂະພາບແຂງແຮງ ແລະ ມີອາຍຸພັກ 3 ປີຂຶ້ນໄປ.

ຫຼັງຈາກນັ້ນ ສະຫາຍ ບຸນຕຽງ ຊະນະຊົນ ເລຂາໜ່ວຍພັກ ສູນຂໍ້ມູນ-ຂ່າວສານຊັບພະຍາກອນທໍາມະຊາດ ແລະ ສິ່ງ ແວດລ້ອມ ກໍ່ໄດ້ຜ່ານຮ່າງບົດລາຍງານການເມືອງທີ່ສະເໜີໃນກອງປະຊຸມໃຫຍ່ຄັ້ງທີ I ຂອງໜ່ວຍພັກ ເພື່ອໃຫ້ຜູ້ເຂົ້າຮ່ວມມີຄໍາ ຄິດຄໍາເຫັນ ເພື່ອຈະໄດ້ປັບປຸງ ຮ່າງບົດລາຍງານການເມືອງດັ່ງກ່າວໃຫ້ຄົບຖ້ວນ ແລະ ສົມບູນຂຶ້ນ. ອີກເທື່ອໜຶ່ງ ສະຫາຍ ເລຂາ ໜ່ວຍພັກ ສຂຊສ ກໍ່ໄດ້ນໍາພາສະມາຊິກພັກສົມບູນ ລວມທັງໝົດມີ 13 ສະຫາຍ ດໍາເນີນບັ້ນປົວແປງຊີວິດການເມືອງ ໂດຍອີງ ໃສ່ຫຼັກການລວມສູນ ປະຊາທິປະໄຕ ຖືເອົາສຽງສ່ວນຫຼາຍເຂົ້າໃນການຈັດປະເພດ ສະມາຊິກພັກ.

ຫຼັງຈາກນັ້ນ, ບັນດາສະມາຊິກພັກສົມບູນ ຂອງໜ່ວຍພັກ ຜ່ານບົດສໍາຫຼວດ ແລະ ຕີລາຄາຈັດປະເພດຕົນເອງ ແລະ ມີ ການປະກອບຄໍາຄິດຄໍາເຫັນ ແລະ ການຕໍານິຕິຊົມ ກໍ່ສ້າງຊ່ວຍເຫຼືອ ເຊີ່ງກັນ ແລະ ກັນ ຢ່າງກົງໄປກົງ ຊຶ່ງໃຊ້ເວລາທັງໝົດ 2 ວັນ ຈາກນັ້ນ ສະຫາຍ ຄໍາພາ ພົມມະໄກສອນ ເລຂາໜ່ວຍພັກກົມກວດກາກໍ່ໄດ້ຂຶ້ນແນະນໍາວິທີການທາບທາມ ໃຫ້ບັນດາສະມາຊິກພັກສົມບູນ ຂອງໜ່ວຍພັກ ສຂຊສ ຮັບຊາບ ແລະ ເຂົ້າໃຈຢ່າງເລີກເຊິ່ງ ໂດຍຜູ້ມີເງື່ອນໄຂລົງສະໝັກ ຈໍານວນ 7 ສະຫາຍ. ຈາກນັ້ນ, ບັນ ດາສະມາຊິກພັກສົມບູນ ພາຍໃນ ສຂຊສ ກໍ່ໄດ້ໃຊ້ສິດຂອງຕົນປ່ອນບັດ ສະໝັກເລືອກຕັ້ງ ເຂົ້າເປັນຄະນະພັກ ສຂຊສ ຊຸດໃໝ່ໄດ້ສໍາເລັດຕາມຄາດໝາຍ ແລະ ປິດລົງໃນເວລາ 12:00 ໂມງ.

  

LAST_UPDATED2